© 2008-2012 www.forgottenlanguages.org

Тарасо Шэвченко

Думка (Тяжко-важко в свiтi житии…)

ДУМИЦА

 

Сыр пхарэс-киркэс дро свэто

Би-родоскро тэ дживэл:

 

На латхэл бидатыр штэто, –

Мэк дро паны тэ ухтэл!

Тэрноро тасадыя бы,

Свэто соб тэ на дыкхэл;

Дро паны г’ара ухтя бы,

Никай лэскэ тэ нашэл.

 

Пиро фэлда бахт ваврэскри

Клосыцы скэдэла,

Нэ мири дур бидромэскри

Пал морё нашэла.

 

Мишто лэскэ, барвалэскэ:

Мануша джинэна;

Ман ригаса обпсирэна,

Сырбы на дыкхэна.

 

Дрэ патыв тхулэвуштэскро,

Тэрнори, пал ловорэ;

Нэ ваш мангэ, бидадэскро,

Киркорэ вса лаворэ.

 

«Мэ ли на шукар ваш тукэ,

Мэ ли на подджява,

Мэ ли на камам тут дёса,

Мэ ли тутыр сава?

Нэ кам пэскэ, сыр джинэса,

Конэс выкэдэса,

На сав мандыр барвалэса,

Коли взрипирэса.

Мэ ко чюжо риг дур джява,

Фэдыр тэ латхав

Камля пэскэ. – Нат! Мэрава,

Сыр патрин про кхам».

 

Нэ, гыно тэрно дрэ туга,

Дженэс на мэкья;

Родыя бахт дрэ риг чюжо,

Пэскэ хась латхья.

 

Сыр мэрэлас, вса дыкхэлас,

Кай о кхаморо уштэл…

Пхарэс-киркэс екхорэскэ

Дрэ пхув чюжо тэ мэрэл!

 

[24.XI.1838, форыцо Гатчина]